სახალხო დამცველი რუსთავი2–ის საქმესთან დაკავშირებით, განცხადებას ავრცელებს და აცხადებს, რომ საქმის სასამართლო განხილვას აკვირდება.
,,საქართველოს სახალხო დამცველი თვალყურს ადევნებს ტელეკომპანია „რუსთავი2“–ის საქმის სასამართლო განხილვას. ჯერ კიდევ რამდენიმე თვის წინ სახალხო დამცველი განცხადებით გამოეხმაურა სასამართლოს იმ გადაწყვეტილებას, რომლითაც დაყადაღებულ იქნა ტელეკომპანიის ქონება და აღნიშნული შეაფასა, როგორც სახიფათო გამოხატვის თავისუფლებისათვის.
მნიშვნელოვანია, რომ ტელეკომპანიის წინააღმდეგ მიმდინარე დავის სასამართლო განხილვა წარიმართოს სამართლიანი სასამართლოს უფლებისა და გამოხატვის თავისუფლების სრული დაცვით” , - ნათქვამია განცხადებაში.
სახალხო დამცველის წარმომადგენელი თბილისის საქალაქო სასამართლოში დანიშნულ მთავარ სხდომას „რუსთავი2“–ის საქმეზე მიმდინარე დავასთან დაკავშირებით ესწრება. ომბუდსმენის ოფისში აცხადებენ, რომ მონიტორინგის შედეგებს სასამართლო განხილვასთან დაკავშირებით, საზოგადოებას პერიოდულად მიაწვდიან.
