პარლამენტში მედია საშუალებებთან დაკავშირებით, განცხადების პროექტზე მსჯელობენ. ამ წუთებში, პლენარულ სხდომაზე, დეპუტატებს „მედია საშუალებების მიმართ განხორციელებული ზეწოლის ფაქტებთან დაკავშირებით“ განცხადების პროექტს ოპოზიციონერი დეპუტატი გოკა გაბაშვილი აცნობს.
გაბაშვილის განცხადებით, საფუძვლიანი ეჭვი ჩნდება, რომ ხელისუფლება მედიაში ობიექტური გადაცემების შეზღუდვას ცდილობს.
მისი თქმით, მედიის შეზღუდვის მცდელობით, საფრთხის ქვეშ მომავალი საპარლამენტო არჩევნები დგება.
უმცირესობამ აღნიშნული განცხადება ტელეკომპანია „რუსთავი2“-თან დაკავშირებით მოამზადა, და მმართველ გუნდს მისი მიღებისკენ მოუწოდებს.
