საქართველოს მოსახლეობის მხოლოდ 3% იღებს და ხარჯავს 1600 ლარზე მეტ თანხას. ამის შესახებ ნათქვამია ეროვნულ დემოკრატიული ინსტიტუტის მიერ გამოქვეყნებულ კვლევაში.
კვლევის მიხედვით, რომელიც 8 აგვისტო-10 სექტემბრის პერიოდში ჩატარდა, წინა თვეს რესპოდენტთა ფულადი შემოსავალი 1600 ლარზე მეტი იყო გამოკითხულთა 3%-ისთვის, ხოლო ხარჯი - 1600 ლარზე მეტი - გამოკითხულთა 2%-ისთვის. 1201-1600 ლარის ფულადი შემოსავალი და ხარჯი ჰქონდა გამოკითხულთა 3-3%-ის ოჯახებს, 801-1200 ლარის შემოსავალი და ხარჯი - 8-8%-ს. 401-800 ლარის შემოსავლის მქონე ოჯახებმა რესპოდენტებს შორის 17% შეადგინა, ხოლო 401-800 ლარის ხარჯის მქონე ოჯახების რაოდენობამ 18%.
261-400 ლარის შემოსავალი და ხარჯი ჰქონდა რესპოდენტების 20-20%-ს, ხოლო 151-160 ლარის შემოსავალი -17%, ამავე ოდენობის ხარჯი-18%-ს. 150 ლარამდე შემოსავალი აქვს რესპოდენტების 15%-ის ოჯახებს, ხოლო ამავე ოდენობის ხარჯი - 13%.
გამოკითხული რესპოდენტების 2%-ის ოჯახები კი შემოსავლის გარეშე ცხოვრობენ.
NDI-ის კვლევის საველე სამუშაოები 8 აგვისტო-10 სექტემბრის პერიოდში ჩატარდა. საქართველოს მასშტაბით, გამოიკითხა 4,448 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.
