მოსახლეობის 66% კმაყოფილია სასწრაფო სამედიცინო დახმარების სამსახურის საქმიანობით. ამის შესახებ ნათქვამია ეროვნულ დემოკრატიული ინსტიტუტის მიერ გამოქვეყნებულ კვლევაში. სამედიცინო დახმარების სამსახურის საქმიანობით უკმაყოფილოა 5%.
იუსტიციის სახლების საქმიანობით კმაყოფილებას გამოთქვამს კვლევაში მონაწილე რესპოდენტების 56%, 2% კი უკმაყოფილო. სახანძრო სამაშველო სამსახურის საქმიანობა მოსწონს რესპოდენტთა 34%-ს. ამავე სამსახურის საქმიანობით უკმაყოფილოა 2%.
NDI-ის კვლევის საველე სამუშაოები 8 აგვისტო-10 სექტემბრის პერიოდში ჩატარდა. საქართველოს მასშტაბით, გამოიკითხა 4,448 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.
