საბავშვო ბაღებში ყველაზე მნიშვნელოვანი კვებასა და სისუფთავესთან დაკავშირებული პრობლემაა. ამის შესახებ ნათქვამია ეროვნულ დემოკრატიული ინსტიტუტის მიერ გამოქვეყნებულ კვლევაში. კვევაში მონაწილე რესპოდენტების 17% მიიჩნევს, რომ ადგილობრივმა ხელისუფლებამ საბავშვო ბაღებში პირველ რიგში კვების საკითხი უნდა მოაგვაროს. 16% კი სისუფთავესთან დაკავშირებული საკითხის მოგვარებას ითხოვს.
რესპოდენტების 14% მიიჩნევს, რომ მოსაგვარებელია საბავშვო ბაღების შენობების საკითხი. 9%-ს არ აკმაყოფილებს საბავშვო ბაღებში სწავლების ხარისხი, ჯგუფებშვი ბავშვების რაოდენობით არის უკმაყოფილო 6%, ხოლო 5%-ს არ მოსწონს საბავშვო ბაღების ეზოები და სათამაშო მოედნები. გამოკითხულთა 5% სხვადასხვა პრობლემებზე აკეთებს აქცენტებს. 27%-მა კი თავი შეიკავა კითხვაზე პასუხის გაცემისგან.
NDI-ის კვლევის საველე სამუშაოები 8 აგვისტო-10 სექტემბრის პერიოდში ჩატარდა. საქართველოს მასშტაბით, გამოიკითხა 4,448 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.
