თბილისელების 53%-ისა და ქუთაისლების 50%-ის საცხოვრებელი პირობები ბოლო ერთი წლის განმავლობაში გაუარესდა. ამის შესახებ ნათქვამია ეროვნულ დემოკრატიული ინსტიტუტის მიერ გამოქვეყნებულ კვლევაში.
კვლევაში მონაწილე თბილისელი რესპოდენტების 53% აცხადებს, რომ 2014 წლის ივნისის შემდეგ საცხოვრებელი პირობები მათ ქალაქში გაუარესებულია. რესპოდენტების 39%-ისთვის საცხოვრებელი პირობები იგივე დარჩა, ხოლო 7%-სთვის გაუმჯობესდა.
საცხოვრებელი პირობების გაუარესებაზე საუბრობენ რესპოდენტები გორში - 42%, ქუთაისში -50%, ბათუმში - 45%, ზუგდიდში -36%.
2014 წლის ივლისის შემდეგ საცხოვრებელი პირობები არ შეცვლილა 39% რესპოდენტისთვის თბილისში, 46%-სთვის ბათუმში, 45%-სთვის ქუთაისში, 51%-სთვის გორში, 50%-სთვის ზუგდიდში.
ამავე პერიოდში საცხოვრებელი პირობები გაუუმჯობესდა რესპოდენტთა 7%-ს თბილისში, 7 %-ს ბათუმში, 4%-ს ქუთაისში, 2%-ს გორში, 13-ს ზუგდიდში.
NDI-ის კვლევის საველე სამუშაოები 8 აგვისტო-10 სექტემბრის პერიოდში ჩატარდა. საქართველოს მასშტაბით, გამოიკითხა 4,448 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.