საქართველოს ფინანსთა სამინისტრომ კულტურის სამინისტროს, მთავრობის სარეზერვო ფონდიდან, ბერი გაბრიელის საფლავის მოსაწყობად 65 000 ლარი გამოუყო. პრემიერ ირაკლი ღარიბაშვილის განკარგულება 7 ოქტომბრით თარიღდება. „სამთავროს მონასტერში, ღირსი მამა გაბრიელის, აღმსარებლის და სალოსის წმინდა ცხედრის საბოლოო განსასვენებლის მოწყობასთან დაკავშირებული ხარჯების ნაწილობრივი დაფინანსების მიზნით, საქართველოს ფინანსთა სამინისტრომ, „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან, სსიპ - საქართველოს კულტურული მემკვიდრეობის დაცვის ეროვნულ სააგენტოს გამოუყოს 65 000 (სამოცდახუთი ათასი) ლარი“, - წერია განკარგულებაში.