თბილისის მუნიციპალიტეტის საკრებულოს ადამიანის უფლებათა დაცვისა და სამოქალაქო ინტეგრაციის კომისიის თავმჯდომარე გულიკო ზუმბაძე საქართველოს პროფესიული კავშირების გაერთიანებისა და პერსონალურ მონაცემთა დაცვის ინსპექტორის აპარატის წარმომადგენლებს შეხვდა.
მხარეებმა კერძო და საჯარო დაწესებულებებში ვიდეო თვალთვალის სისტემის გამოყენების წესსა და მისი დარღვევების ფაქტებზე იმსჯელეს.
როგორც გულიკო ზუმბაძემ აღნიშნა, აუცილებელია, როგორც დამსაქმებლებს, ისე დასაქმებულებს ჰქონდეთ სრული ინფორმაცია პერსონალურ მონაცემთა დაცვის შესახებ არსებულ კანონმდებლობასთან დაკავშირებით, რათა მაქსიმალურად გამოირიცხოს აღნიშნულით მანიპულირება და მისი ბოროტად გამოყენება.
,, სამოქალაქო საზოგადოების ჩართულობასა და უშუალოდ პერსონალურ ინფორმაციათა დაცვის ინსპექტორის აპარატის ეფექტურ მუშობაზე ძალიან ბევრი რამ არის დამოკიდებული, ამიტომ შევთანხმდით,რომ აღნიშნულ საკითხთან დაკავშირებით გაიმართება გაფართოებული შეხვედრა და დაიგმება კონკეტული ღონისძიებები“,- განაცხადა გულიკო ზუმბაძემ.
დღესვე მხარეებმა საქართველოს პროფესიული კავშირების გაერთიანების წერილზე იმსჯელეს, რომელიც ერთი-ერთი კერძო კომპანიის მხრიდან დასაქმებულთა შრომითი უფლებების, მათ შორის შრომის შინაგანაწესის დარღვევას, გაწეული სამუშაოსათვის არასათნადო ანაზღურებასა და სხვადასხვა საკითხების არაკანონიერი გზით მართვას შეეხებოდა.
როგორც საკრებულოს დეპუტატმა აღნიშნა, ანალოგიური პრობლემები არა მხოლოდ წერილში მითითებულ კომპანიაში, არამედ სხვა მსგავსი პროფილის მქონე დაწესებულებებშიც ხშირია, რისთვისაც აუცილებელია სწრაფად მოხდეს რეაგირება. შეხვედრაზე მიღწეული იქნა შეთანხმება, რომ კომისია სიღრმისეულად შეისწავლის საკითხს, გაანალიზებს პრობლემას და დასახავს მისი გადაჭრის გზებს.
შეხვედრის დასასრულს მხარეებმა, მემორანდუმით გათვალისწინებული შეთანხმების ფარგლებში, კიდევ ერთხელ გამოხატეს სამომავლო თანამშრომლობისათვის მზაობა.