ოლიმპიურ სოფელში დევნილებისთვის გამოსყიდული ბინები სამინისტროს 1-ელი ნოემბრიდან გადაეცემა. დევნილთა და განსახლების მინისტრმა „ჯი-ეჩ-ენ“-ს განუცხადა, რომ „ჰუალინგ ჯგუფს“ სახელმწიფოსთვის ბინები 31 აგვისტოს უნდა ჩაებარებინა, მაგრამ მათ მთავრობას ვადის სამი თვით გადაწევა სთხოვეს, აღმასრულებელმა ხელისუფლებამ კი, ორთვიანი ვადა მისცა.
„ეს ბინები 1-ელ ნოემბერს უნდა ჩაგვაბარონ. ორი თვის დაგვიანება ნებისმიერი მშენებლობის დროს ჩვვეულებრიი ამბავია. ჩვენ ბინები 1-ელი ნოემბრიდან გადმოგვეცემა და გარკვეული ხანი ჩვენც დაგვჭირდება. სიების შედგენა დასრულებულია, მხოლოდ რამდენიმე ათეული ოჯახი დარჩა, რომელზეც კითხვები არსებობს და საკითხს გავდვივართ, რომ რაიმე არ გამოგვეპაროს. ანუ, ბინა ისეთმა არ მიიღოს, რომელსაც არ ეკუთვნის“, - განაცხადა სუბარმა.
მისივე ინფორმაციით, შემდგომ ეტაპზე, სახელმწიფო „ხუალინ ჯგუფისგან“ თბილისის ზღვაზე, 150 ბინიან შენობას მარტში ჩაიბარებს.
შეგახსენებთ, თბილისში 541 დევნილი ოჯახისთვის ბინების განაწილების სიის გამოქვეყნება გადაიდო, რის მიზეზდაც სამინისტრო ახალი გარემოებების აღმოჩენას ასახელებს.