დედაქალაქში, საცხოვრებელი კორპუსების სახურავებზე მზის პანელები მოეწყობა, - აღნიშნული ინიციატივით პრემიერ-მინისტრმა ირაკლი ღარიბაშვილმა თბილისის მერს დავით ნარმანიას ეკონომიკური საბჭოს სხდომაზე მიმართა.
მთავრობის ადმინისტრაციის ინფორმაციით, მზის პანელების დამონტაჟება იქნება ერთ-ერთი მნიშვნელოვანი ნაბიჯი ენერგოეფექტურობის სახელმწიფო სტრატეგიის განხორციელების პროცესში, რომელიც საბჭოს სხდომაზე განხილვის ერთ-ერთი მთავარი თემა იყო.
მთავრობა მთელი რიგი ღონისძიებების განხორციელებას გეგმავს ენერგოეფექტურობის მიმართულებით, რაც ენერგორესურსებზე მოთხოვნილების მართვის ერთ-ერთ მექანიზმს წარმოადგენს.
