თბილისის მუნიციპალიტეტის საკრებულოს სარევიზიო კომისიის თავმჯდომარემ ნუგზარ მალაღურაძემ და ეკონომიკური განვითარების, საინვესტიციო პოლიტიკისა და საგარეო ურთიერთობების კომისიის თავმჯდომარემ ლევან დარახველიძემ ქალაქ კლანდოს ყოფილი მერის, ქალაქ პრაღის მერის ყოფილი მოადგილისა და ჩეხეთის მუნიციპალიტეტების ასოციაციის დირექტორის შემადგენლობით ჩეხეთის დელეგაციას უმასპინძლეს.
დეპუტატებმა სხვადახვა სფეროში გამოცდილების გაზიარების თვალსაზრისით მსგავსი შეხვედრების მნიშვნელობაზე ისაუბრეს.
,,ვფიქრობ, ორ ქვეყანას შორის ურთიერთობების გაღრმავებისა და მერიის მუშაობის პრინციპების, ამასთან, მუნიციპალური სერვისების მიმართულბით გამოცდილების გაზიარების თვალსაზრისით, მსგავსი ვიზიტები ძალიან მნიშვნელოვანი და საჭიროა’’,-განაცხადა ნუგზარ მალაღურაძემ. დელეგაციის წევრებმა, რომლებიც საქართველოში ევროპული პროექტის ფარგლებში ჩამოვიდნენ, დეპუტატებს მასპინძლობისთვის მადლობა გადაუხადეს და თანამშრომლობის პერსპექტივებზე ისაუბრეს.
ნუგზარ მალაღურაძე მუნიციპალური სერვისებით, მათ შორის ბინათმესაკუთრეთა ამხანაგობების საქმიანობის მიმართულებით ქალაქ პრაღის გამოცდილებით დაინტერესდა, რაზეც სტუმრებმა მას დეტალური ინფორმაცია მიაწოდეს და ამ მხრივ მუშაობის პრინციპები და მართვის სტრუქტურები გააცნეს.
შეკითხვები ასევე დაისვა ჩეხეთში, კერძოდ, ქალაქ პრაღაში სპორტული ინფრასტრუქტურის, განათლებისა და ტრანსპორტის განვითარების კუთხითაც.
დასასრულს, დეპუტატებმა სტუმრებს სიმბოლური საჩუქრები გადასცეს და მათივე თხოვნით, საკრებულოს ისტორიული შენობა დაათვალიერებინეს.