სახალხო დამცველი ქუთაისში, პარლამენტთან გამართული აქციის მონაწილეების დაკავებას გამოეხმაურა. უჩა ნანუაშვილის თქმით, აქციის მონაწილეებისათვის აღკვეთი ღონისძიების სახით პატიმრობის შეფარდება დაუსაბუთებელია და შერჩევითი მართლმსაჯულების ეჭვს აჩენს. სახალხო დამცველი განმარტავს, რომ სახელმწიფოს ვალდებულებაა ეფექტური მექანიზმები შექმნას იმისთვის, რომ მოქალაქეებს გამოხატვის, შეკრებისა და მანიფესტაციის უფლება ჰქონდეთ.