თბილისის მუნიციპალიტეტის საკრებულოს თავმჯდომარემ - გიორგი ალიბეგაშვილმა და საკრებულოს ნაძალადევის რაიონის მაჟორიტარმა დეპუტატმა - ზაქარია კოლელიშვილმა, ხანდაზმულთა საერთაშორისო დღე ნაძალადევის რაიონში მცხოვრებ, აფხაზეთიდან დევნილ 105 წლის მიაგული გერლიანს მიულოცეს.
საკრებულოს თავმჯდომარე და მაჟორიტარი დეპუტატი 1910 წელს დაბადებულ ქალბატონს სახლში ესტუმრნენ, საჩუქრები გადასცეს და დიდხანს სიცოცხლე უსურვეს.
აფხაზეთიდან დევნილი ხანდაზმული ნაძალადევის რაიონის სამაჟორიტარო ბიუროს მუდმივი მეთვალყურეობისა და ზრუნვის ქვეშ იმყოფება.
„ვულოცავთ ყველა ხანდაზმულს საერთაშორისო დღეს. მათ განსაკუთრებული ყურადღება და ზრუნვა სჭირდებათ. ჩვენი ვალია მოხუცებს სითბო, სიყვარული და პატივისცემა ყოველდღიურად ვაგრძნობინოთ“, - განაცხადა საკრებულოს თავმჯდომარემ.
ხანდაზმულთა საერთაშორისო დღე, მიაგული გერლიანს მაჟორიტარმა დეპუტატმა ზაქარია კოლელიშვილმა და სამაჟორიტარო ბიუროს თანამშრომლებმაც მიულოცეს.