თბილისის მუნიციპალიტეტის საკრებულოს დელეგაცია ბრისტოლ - თბილისის ასოციაციისა და მისი პრეზიდენტის დერეკ პიკაპის მიწვევით ქალაქ ბრისტოლში იმყოფებოდა.

ქართული დელეგაციის წევრებმა - საკრებულოს თავმჯდომარის მოადგილე მალხაზ მჭედლიშვილმა, სარევიზიო კომისიის თავმჯდომარემ ნუგზარ მალაღურაძემ, სპორტისა და ახალგაზრდულ საქმეთა კომისიის თავმჯდომარემ ქეთევან ჯოხაძემ და საკრებულოს მაჟორიტარმა დეპუტატმა კობა კობალაძემ ვიზიტი ფარგლებში, პირველი შეხვედრა, ქალაქ ბრისტოლის მერთან ჯორჯ ფერგუსონთან გამართეს.
ბრისტოლის მერმა, ქართველი დეპუტატები ქალაქის მერიის შენობაში მიიღო და სტუმრობისთვის მადლობა გადაუხადა.
სტუმრების დახვედრის ოფიციალური ნაწილის შემდეგ, ბრისტოლის მერიაში თბილისის საკრებულოს წევრებსა და ბრისტოლის მერს შორის საქმიანი შეხვედრა გაიმართა.
მერმა შეხვედრის დასაწყისში ქართველ სტუმრებს, ბრისტოლის შესახებ, მცირე ინფორმაცია მიაწოდა. ისაუბრა ქალაქის მოსახლეობის რაოდენობასა და ქალაქს შემოერთებულ ტერიტორიებზე. ასევე შეეხო მუნიციპალური სერვისების მენეჯმენტის საკითხებს და ბრისტოლის ბიუჯეტის დაგეგმარება-გადანაწილებაზეისაუბრა.
ბრისტოლის მერმა ქართველ სტუმრებთან შეხვედრისას, ყურადღება ქალაქში არსებულ საცობების პრობლემებზეც გაამახვილა და აღნიშნა, რომ მისი ინიციატივით ჩატარებული კვლევების შემდეგ, ქალაქის ცენტრალურ უბნებში მოძრაობის სიჩქარე 20 მილამდე შეიზღუდა, რითაც მდგომარეობა მნიშვნელოვნად გაუმჯობესდა.
ჯორჯ ფერგუსონმა აღნიშნა, რომ თბილისი და ბრისტოლი რელიეფით ძალიან გავს ერთმანეთს. ბრისტოლიც მთაგორიანია და შუაზე ყოფს მდინარე, როგორც თბილისს - მტკვარი. მან ასევე აღნიშნა, რომ ბრისტოლში მდინარე ფუნქციურად დატვირთულია. მდინარეზე მოწყობილია კაფეები, რესტორნები.
ქართველ დეპუტატებთან შეხვედრაზე, მერმა აღნიშნა ისიც, რომ ბრისტოლი უმეტესად დაბალი განაშენიანების ქალაქია, მაგრამ დედაქალაქის მერიამ, ქალაქის ცენტრალურ ნაწილში მაღალი შენობების მშენებლობას გვერდი მაინც ვერ აუარა.
მერის მიერ მიმოხილვითი პრეზენტაციის გამართვის შემდეგ, ქართველმა სტუმრებმა, თავის მხრივ მას საქართველოს დედაქალაქში არსებულ მდგომარეობაზეინფორმაცია მიაწოდეს. ისაუბრეს თბილისის წინაშე მდგარ ამოცანებზე და იმ ღონისძიებებზე, რომლებსაც ქალაქის წარმომადგენლობითი და აღმასრულებელი ორგანოები გამოწვევების მოსაგვარებლად მიმართავენ. გააცნეს სამომავლო გეგმები.
შეხვედრის დასასრულს, ბრისტოლის მერმა სამომავლოდ თბილისთან თანამშრომლობის სურვილი გამოთქვა.