30 სექტემბრიდან 14 ოქტობრის ჩათვლით ევროპის სახლში ევროპის სახლში კლიმატის ცვლილებებისადმი მიძღვნილი გამოფენა გაიმართება.
როგორც “ჯი-ეიჩ-ენს“ საქართველოში შვედეთის საელჩოდან აცნობეს, გამოფენის - „კლიმატის ცვლილების პირისპირ“ ფარგლებში, დაგეგმილია სხვადასხვა ღონისძიებები.
კლიმატის ცვლილებისა და გარემოს დაცვის საკითხებისადმი შვედეთის მტკიცე პოზიციის ილუსტრირების მიზნით შვედეთის ინსტიტუტმა გამოფენა „კლიმატის ცვლილების პირისპირ“ შექმნა. საკითხისადმი სერიოზული დამოკიდებულება სულაც არ ნიშნავს, რომ ის აუცილებლად იუმორის გარეშე უნდა განიხილო. ხუთი შვედი მხატვარი და კარიკატურისტი - ლოვე ანტელი, მაგნუს ბარდი, რიბერ ჰანსონი, ჰელენა ლინდჰოლმი და კარინ სუნვისონი - კლიმატის ცვლილების შესახებ ფიქრის სახალისო და, ამავდროულად, შეშფოთების გამომწვევ შედეგს გვთავაზობენ. მრავალ ქვეყანასა თუ კონტინენტზე წარმატებული საგამოფენო ტურის პროცესში, პროექტი მუდმივად იზრდებოდა ადგილობრივი მხატვრების მიერ საკუთარი წვლილის შეტანის შედეგად. დღემდე გამოფენა მსოფლიოს 23 ქვეყანაში 250 ათასზე მეტმა ადამიანმა დაათვალიერა. შვედეთის გარემოსდაცვითი პოლიტიკის მიზანი არის 2020 წლისთვის შექმნას საზოგადოება, სადაც ძირითადი გარემოსდაცვითი პრობლემები გადაწყვეტილი იქნება. ეს არის დაპირება მომავალი თაობებისათვის, რომ მათ ექნებათ სუფთა ჰაერი, ჯანსაღი საარსებო გარემო და ბუნებით ტკბობის მრავალფეროვანი შესაძლებლობები. ვიმედოვნებთ, რომ ამ ხერხით შევძლებთ სხვა ქვეყნებისთვის შთაგონების წყაროს შექმნას, რათა ერთად მივისწრაფოთ მდგრადი განვითარებისკენ. საქართველოში „კლიმატის ცვლილების პირისპირ“ პირველად იფინება და იმედი გვაქვს, ის ქართველი დამთვალიერებლის მოწონებას დაიმსახურებს. თბილისში, ევროპის სახლში ხუთი ქართველი კარიკატურისტი და მხატვარი - ლევან კვარაცხელია, ვაჟა დოღონაძე, ნიკოლოზ დადიანი, ვარლამ ჯმუხაძე და თამარ გიორგაძე შვედ კოლეგებს შეუერთდებიან მათ ძალისხმევაში, გააუმჯობესონ საზოგადოების ინფორმირებულობა კლიმატის ცვლილების შესახებ.