26 სექტემბერს კომპანია “იმიჯ ცენტრში” გაიმართება სილამაზის კონკურსის “მის საქართველო 2015”-ის ნაციონალურ კასტინგი, სადაც მონაწილეობის მიღება შეუძლიათ 18-დან 25 წლამდე ასაკის გოგონებს, რომლებიც არიან საქართველოს მოქალაქეები, არ იმყოფებიან არანაირ ქორწინებაში და არ ჰყავთ შვილი(შვილები).
მსურველებს კასტინგში მონაწილეობის მიღება შეუძლიათ 26 სექტემბერს 12:00-იდან 17:00 საათამდე მისამართზე თბილისი, ნიკო ნიკოლაძის 6.
შერჩეული კონკურსანტები გაივლიან ერთ თვიან მოსამზადებელ ეტაპს, მათ ჩაუტარდებათ ფოტოგადაღებები, ვიდეოგადაღებები, მონაწილეობას მიიღებენ სხვადასხვა ღონისძიებებში. მათ ექნებათ გასვლითი ტურები და იმოგზაურებენ საქართველოს რეგიონებში. ტრადიციულად კონკურსის გამარჯვებული დაჯილდოვდება მთავარი პრიზით - ავტომობილით, რომელსაც წელს აწესებს კომპანია “ომეგა მოტორსი” და გამარჯვებულ “მის საქართველო 2015”-ს გადაეცემა მინი კუპერი კუპე კომპანია ომეგა მოტორსისგან
კომპანია “იმიჯ-ცენტრი” გახლავთ “მის საქართველო”-ს ორგანიზატორი და მსოფლიოში აღიარებული სილამაზის საერთაშორისო კონკურსების “Miss World”-ის, “Miss Universe-ის, “Miss Intercontinental”-ის და “Miss Tourism International”-ის ექსკლუზიური წარმომადგენელი საქართველოში. “მის საქართველო 2015” იქნება მასშტაბური ღონისძიება, რომელიც ხორციელდება ტელეკომპანია რუსთავი 2-ის და ღონისძიების სხვადასხვა პარტნიორების მხარდაჭერით. “მის საქართველო 2015”-ის გამარჯვებული ტოპ-5 გაემგზავრება სილამაზის საერთაშორისო კონკურსებზე.
მის საქართველო 2015-ის პარტნიორები არიან: აჭარის მთავრობა, Jungle Fever Georgia, ენერგეტიკული სასმელი “Shark”, სასტუმრო “ლეოგრანდი”, მოდის სახლი “მარიონელა”, კიკალა სტუდიო, სარეკლამო კომპანია მაქსპრომი, ვებ დიზაინ სტუდია პრო სერვისი, ტელეკომპანია რუსთავი2, მარაო, მიუზიკ ბოქსი, რადიო ფორტუნა, ფორტუნა+, ინტერნეტ მხარდაჭერა GHN.GE, INFO 9
