კომპანია "სითი პარკის" მიერ ავტომობილის საჯარიმო სადგომზე გადაყვანის აკრძალვასთან დაკავშირებით, პარლამენტში საკანონმდებლო ინიციატივა შევა. ამასთან დაკავშირებით "დემოგრაფიული განვითარების ფონდის" დირექტორმა, ზვიად ტომარაძემ და ადვოკატმა, როინ მიგრიაულმა დღეს პრესკონფერენციაზე ისაუბრეს.
მათი განმარტებით, 15 ივნისიდან ძალაში შევიდა ადმინისტრაციულ სამართალდარღვევათა კოდექსის 125-ე მუხლის პირველ ნაწილში პარლამენტის მიერ შესული ცვლილება, რომლითაც "სითი პარკს" განემარტა ის სამი შემთხვევა, რომლის დროსაც შეუძლია მოქალაქის ავტომობილის საჯარიმო სადგომზე გადაყვანა.
როინ მიგრიაულის განცხადებით, პარლამენტში განხილვის დროს, კანონპროექტში, მათ გარეშე, ჩამატებული იყო ერთი წინადადება, რომელიც ეხება ამკრძალავ ნიშანს.
,,,,სითი პარკს" გამოკრული აქვს ამკრძალავი ნიშანი, სადაც წერია რომ ავტომობილს დაცულ ტერიტორიაზე გადაიყვანენ. ჩვენთვის უცნობია ვინ ჩაამატა ეს წინადადება. ვფიქრობ, ეს "სითი პარკის" ლობირებით მოხდა. ჩვენ ამ ჩანაწერის ამოღებას ვითხოვთ. კერძოდ, ავტომობილი არასწორად დგომისას თუ ის არ აფერხებს საავტომობილო მდგომარეობას, ან არ ქმნის საცობს, დაუშვებელია ასეთი ავტომობილის სპეციალურ სადგომზე გადაყვანა", - აღნიშნა მიგრიაულმა.
მისი ინფორმაციით, აღნიშნულ საკანონმდებლო ინიციატივას პარლამენტში ზაქარია ქუცნაშვილი გაიტანს.
