საქართველოს ეკონომიკის სამინისტროს ტურიზმის ეროვნული ადმინისტრაციის მხარდაჭერითა და ორგანიზებით 24 სექტმბერს, 21 საათზე კინოთეატრ ამირანში, რეზო გიგინეიშვილის ახალი ფილმის ,,სიყვარული აქცენტით, საზღვრებს გარეშე“ დახურული პრემიერა გაიმართება.
სპეციალურად პრემიერისთვის ასევე ტურიზმის ადმინისტრაციის ორგანიზებით საქართველოში ფილმში მონაწილე მსახიობები ჩამოვიდნენ. მათ შორის: ანა ჩიპოვსკაია, ალექსანდერ პოლი, იგორ იანკოვსი, ივან ბიკოვიჩი, მარია შალაევა, რავშანა კურკოვა, ევდოკია ლუბენნიკოვა, რომან მაიაკინი. მსახიობების გარდა საქართველოში პრემიერის გასაშუქებლად რუსული მედიის წარმომადგენლებიც - წამყვანი ტელეარხების ჟურნალისტებიც ჩამოვიდნენ
მათ გარდა პრემიერას საქართველოს მთავრობის და მედიის წარმომადგენლები ასევე კულტურის მოღვაწეები დაესწრებიან.
რუსეთიდან ჩამოსული სტუმრებისთვის ტურიზმის ეროვნულ ადმინისტრაციას სპეციალური პროგრამა აქვს შემუშავებული, დღეს მსახიობები და მედიის წარმოამდგენლები მცხეთისა და თბილისის ღირშესანიშნაობებს ათვალიერებენ. უკვე მოინახულეს, ჯვრის მონასტერი, სვეტიცხოველი და მცხეთაში რესტორან ,,გუჯარში“ მათთვის ღვინის დეგუსტაცია და ქართული კერძების მომზადებაში მასტერკლასები გაიმართა.
ფილმის ,,სიყვარული აქცენტით, საზღვრებს გარეშე“ დაახლოებით მესამედი ნაწილი საქართველოშია გადაღებული და მასში ოლეგ ბასილაშვილი, ინა ჩურიკოვა მონაწილეობენ და სხვა მსახიობები მონაწილეობენ. ფილმი ერთგვარი ნოველებისგან შედგება და საქართველოს გარდა გადაღებები სომხეთში, რუსეთში და ყაზახეთშიც მიმდინარეობდა. ფილმთან ერთად უკვე მზად არის ცნობილი მომღერლის ,,იოლკას’’ ახალი კლიპიც, რომელიც მთლიანად საქართველოშია გადაღებული და პროექტი ტურიზმის ადმინისტრციის მხარდაჭერით განხორიცელდა.
ადმინისტრაციაში იმედოვნებენ, რომ რეზო გიგინეიშვილის ,,სიყვარული აქცენტით „ მსგავსად ახალი ეს ახალი ფილმიც დსთ-ს ქვეყნებში და არა მხოლოდ, საქართველოს კიდევ უფრო პოპულარიზაციას შეუწყობს ხელს.