თბილისის მერიის ადმინისტრაციაში დასაქმებულმა უსინათლო ბექა გოზალიშვილმა მხედველობადაქვეითებული პირებისათვის შემოსავლების სამსახურის ხმოვანი ვებ-გვერდის voice.rs.ge შექმნაში მიიღო მონაწილეობა.
ბექა გოზალიშვილს გაწეული შრომისთვის ღირსების ორდენი გადაეცა, რომელიც მას სიმბოლურად თბილისის მერმა უსახსოვრა.
თბილისის მერის დავით ნარმანიას განცხადებით, პროგრამით სარგებლობა არა მხოლოდ შშმ პირებისთვის, არამედ ფართო საზოგადოებისთვისაა შესაძლებელი.
„ბიჭებმა თავიანთი ნამუშევრით დაამტკიცეს, რომ შეზღუდული შესაძლებლობები არ არსებობს და მთავარია მონდომება, რომ ადამიანს შეუძლია როგორც მისთვის, ასევე ფართო საზოგადოებისთვის მნიშვნელოვანი რამ შექმნას. მათ მართლაც ღირსეული პროდუქტი შექმნეს და ამიტომ ისინი იმსახურებენ ამ ჯილდოს“,- განაცხადა დავით ნარმანიამ.
voice.rs.ge მხედველობადაქვეითებულ პირებს საშუალებას აძლევს დამოუკიდებლად, ონლაინ რეჟიმში შეძლონ ურთიერთობა შემოსავლების სამსახურთან, ისარგებლონ მისი სერვისებით და მიიღონ ინფორმაცია მნიშვნელოვანი სიახლეების შესახებ.
