ბათუმელი მეზღვაურის ოჯახი საგარეო საქმეთა სამინისტროს დახმარებას სთხოვს. ტოგოს დროშის ქვეშ მცურავი გემი, რომელზეც სოსლან კაკაბაძე მზარეულად მუშაობდა, 24 აგვისტოს ლიბიელმა მესაზღვრეებმა არალეგალური ნავთობის გადატანის მცდელობისთვის დააკავეს. მეზღვაურთა ინფორმაციით, ნაცემია ეკიპაჟის წევრები. რაც შეეხება სოსლან კაკაბაძეს, ის უკვე 1 თვეა, ლიბიის წინასწარი დაკავების იზოლატორში იმყოფება. ოჯახი მასტან დაკავშირებას ვერ ახერხებს.