სურსათის ეროვნულ სააგენტოში აცხადებენ, რომ სასწავლო დაწესებულებების კვების ბლოკებს მთელი ქვეყნის მასშტაბით ამოწმებენ.
სოფლის მეურნეობის სამინისტროს სსიპ სურსათის ეროვნულმა სააგენტომ სასწავლო წლის დაწყებასთან ერთად განაახლა სკოლამდელი და სასკოლო დაწესებულებების კვების ბლოკების შემოწმება. ინსპექტირების პროცესი მთელი ქვეყნის მასშტაბით მიმდინარეობს. შედეგების შესახებ ინფორმაცია საზოგადოებას პერიოდულად მიეწოდება.
2014-2015 წლებში სურსათის ეროვნულმა სააგენტომ 2144 საბავშვო ბაღი და 781 სკოლის სასადილო შეამოწმა, საიდანაც ოთხ მათგანს კრიტიკული შეუსაბამობის გამო საწარმოო პროცესი შეუჩერდა.