ზოგიერთი პრორუსული მედიასაშუალება დაფინანსებას სახელმწიფოსგან იღებს და ამის დამადასტურებელი რამდენიმე ინფორმაცია გაგვაჩნია, - ამის შესახებ სასტუმრო "ქორთიარდ მარიოტში" მედიის , დიპლომატიური კორპუსის და საერთაშორისო ორგანიზაციების წარმომადგენლების შეხვედრაზე "საერთაშორისო გამჭვირვალობა -საქართველოს" ცელმძღვანელმა, ეკა გიგაურმა განაცხადა.
მისივე თქმით, ორგანიზაცია უახლოეს პერიოდში გამოაქვეყნებს კვლევას, თუ ვინ დგას სხვადასხვა პრორუსული მედიასაშუალების უკან.
,,ბუნებრივია, დამოუკიდებელ და დემოკრატიულ სახელმწიფოში ძალიან რთულია ასეთი ტიპის მედიასაშუალებებთან ბრძოლა, რადგან ასეთ მედიასაშუალებებს ვერ დახურავ. შესაბამისად, სხვა საშუალებები უნდა იქნას გამოყენებული მათ წინააღმდეგ. არ არის კარგი, რომ ზოგიერთი პრორუსული მედიასაშუალება დაფინანსებას სახელმწიფოსგან იღებს და ჩვენ ამის დამადასტურებელი რამდენიმე ინფორმაცია გაგვაჩნია. თუმცა ახლა კონკრეტიკაზე ვერ ვილაპარაკებ. "საერთაშორისო გამჭვირვალობა - საქართველო" უახლოეს პერიოდში გამოაქვეყნებს კვლევას, თუ ვინ დგას სხვადასხვა მედიასაშუალების უკან და განსაკუთრებით იმ მედიასაშუალებების, რომლებიც ინტერნეტშია განთავსებული”, - განაცხადა ეკა გიგაურმა.
