რუსთავი 2"-ის ჟურნალისტების მიმართ ზეწოლას ადგილი ჰქონდა, როგორც მოქმედი, ასევე ყოფილი პრემიერ-მინისტრების მხრიდან, - ამის შესახებ რუსთავი 2-ის საგარეო დეპარტამენტის ხელმძღვანელმა ნინო ნაკაშიძემ სასტუმრო "ქორთიარდ მარიოტში" მედიის, საერთაშორისო საზოგადოების და დიპლომატიური კორპუსის წარმომადგენლებთან შეხვედრაზე განაცხადა.
მისივე თქმით, ეს მოვლენები დაიწყო საპარლამენტო არჩევნების შემდეგ, როცა ჟურნალისტებზე მუქარა, ზეწოლა და მათი შეურაცხყოფა პირდაპირ ხორციელდებოდა.
,,ჩვენ შეგვიძლია მოვიყვანოთ როგორც ყოფილი პრემიერ-მინისტრის, ისე მოქმედი პრემიერ-მინისტრის განცხადებები და შესაბამისი ციტირებები, რომლებშიც ისინი ჩვენს თანამშრომლებს ტყუილების გავრცელებაში ადანაშაულებენ და ეუბნებიან, რომ არიან უნიათოები, უნიჭოები და უნდა რცხვენოდეთ იმის გამო, რომ ამ ტელევიზიაში მუშაობენ. იყო არაერთი მცდელობაც, გადაებირებინათ ჩვენი ჟურნალისტი და ეს არ დაუმალავს ყოფილ პრემიერ-მინისტრს. თუმცა ჩვენმა ზოგიერთმა ჟურნალისტმა ამაზე უარი თქვა", - განაცხადა ნინო ნაკაშიძემ.
მისივე თქმით, პირველი დარტყმა "რუსთავი 2"-მა მაშინ მიიღო, როცა გენერალური დირექტორი აბსურდული მიზეზებით დააპატიმრეს.
