ახალი სასწავლო წლიდან სოფელ ციხისძირის 180 აღსაზრდელი საერთაშორისო სტანდარტების შესაბამისად რეაბილიტირებულ ბაგა-ბაღში შეძლებს სწავლას. საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა მცხეთის მუნიციპალიტეტის სოფელ ციხისძირში საბავშვო ბაგა-ბაღის რეაბილიტაცია დაასრულა. რეაბილიტირებული ბაღი საქართველოს მუნიციპალური განვითარების ფონდის აღმასრულებელმა დირექტორმა ჯუანშერ ბურჭულაძემ მცხეთა-მთიანეთის გუბერნატორ ნუგზარ ყიფიანთან ერთად დაათვალიერა.
ციხისძირის რეაბილიტირებული ბაგა-ბაღი 150-დან 180-მდე აღსაზრდელზეა გათვლილი. ბაგა-ბაღი შეზღუდული შესაძლებლობების მქონე ბავშვებისათვის სრულად ადაპტირებულია.
ადგილობრივი ხელისუფლება რეაბილიტირებულ ბაგა-ბაღს მიმდინარე თვის ბოლომდე საჭირო ინვენტარით აღჭურვავს და ოქტომბრიდან ბაღი ფუნქციონირებას დაიწყებს.
ბაგა-ბაღის სარეაბილიტაციო სამუშაოებზე 40-მდე ადამიანი იყო დასაქმებული. პროექტი მსოფლიო ბანკის დაფინანსებით განხორციელდა. მისი ღირებულება 548 300,06 ლარია.
