ა(ა)იპ ახალქალაქის წმინდა ზოსიმე კუმურდოელის სახელობის საზოგადოებრივი კოლეჯი აცხადებს მიღებას შემდეგ პროგრამებზე:
- დეკორატიულ-გამოყენებითი ქსოვილების სპეციალისტის პროფესიული საგანმანათლებლო პროგრამა - III საფეხური; 45 კრედიტი; პროგრამის ხანგრძლივობა 9 თვე (36 კვირა). პროგრამის ღირებულება 800 (რვაასი) ლარი;
- თექის ხელოსანი - III საფეხური; 30 კრედიტი; პროგრამის ხანგრძლივობა 22 კვირა; პროგრამის ღირებულება 600 (ექვსასი) ლარი;
- კინოტელეოპერატორი - IV საფეხური; 120 კრედიტი ; სწავლის ხანგრძლივობა 2 წელი; პროგრამის ღირებულება 1500 (ათას ხუთასი) ლარი.
საბუთების მიღება წარმოებს 2015 წლის 10 ოქტომბრამდე, ყოველდღე შაბათ-კვირის გარდა, მისამართზე: ქ.ახალქალაქი, მიასნიკიანის ქ.#26; ტელ: +995599642006; El: mama.aleqsandre@mail.ru
საჭიროების შემთხვევაში, სასწავლებელს შეუძლია უზრუნველყოს პროფესიული სტუდენტების დაბინავება და კვება.
ახალქალაქის წმიდა ზოსიმე კუმურდოელის სახელობის საზოგადოებრივი კოლეჯი 2009 წელს შეიქმნა, დამფუძნებელი საქართველოს საპატრიარქოა. სასწავლებლის შექმნის იდეა ახალქალაქისა და კუმურდოს ეპარქიის მიტროპოლიტს, მეუფე ნიკოლოზს ეკუთვნის.
სასწავლებელმა გაიარა ავტორიზაცია და კოლეჯის სტატუსი მიიღო. მანამდე იყო სახელობო სასწავლებელი. სწავლების პროცესს პროფესიონალი პედაგოგები უძღვებიან. კოლეჯი პერიოდუად აწყობს სტუდენტებისა და პედაგოგების მიერ შექმნილი ნამუშევრების გამოფენას.
შეგახსენებთ, რომ პროფესიულ პროგრამებზე სწავლის გაგრძელების მსურველთა რეგისტრაცია 14 სექტემბერს დაიწყო და 27 სექტემბრის ჩათვლით გაგრძელდება. რეგისტრაციის გასავლელად მსურველებმა პროფესიულ სასწავლებლებს, საინფორმაციო ცენტრებს ან საგანმანათლებლო რესურსცენტრებს უნდა მიმართონ.
