სასტუმრო „ქორთიარდ მარიოტში“ გარემოსა და ბუნებრივი რესურსების დაცვის მინისტრმა გიგლა აგულაშვილმა და შვედეთის სრულუფლებიანმა ელჩმა საქართველოში მარტინა ქვივმა, მედიის წარმომადგენლებისთვის „გარემოს დაცვისადმი მიძღვნილი დღეები საქართველოში“ - ღონისძიებებთან დაკავშირებით პრესკონფერენცია გამართეს.
„დავასუფთაოთ მსოფლიო - დავასუფთაოთ საქართველო“ კამპანია, საქართველოში, ისევე როგორც მსოფლიოს მრავალ ქვეყანაში, ტარდება 18, 19, 20 სექტემბერს და მოიცავს მთელ ქვეყანას.
საქართველო მსოფლიო კამპანიაში აქტიურად ჩაერთო 2010 წლიდან და ის რიგით 121-ე ქყვეყანა იყო, რომელიც დატანილი იქნა მსოფლიო გარემოსდაცვით რუკაზე, როგორ წევრი ქვეყანა.
2015 წლის სექტემბის მსოფლიო კამპანიის მოწოდებაა: ჩვენი ქვეყანა... ჩვენი პლანეტა... ჩვენი პასუხისმგებლობა..
30 სექტემბრიდან 14 ოქტომბრის ჩათვლით, კი საქართველოში შვედეთის საელჩოს ინიციატივით ტარდება „გარემოს დაცვისადმი მიძღვნილი დღეები საქართველოში“, რომლის ფარგლებშიც დაგეგმილია მრავალი ღონისძიება, მათ შორის - გამოფენა ’’კლიმატის ცვლილების პირისპირ’’. ასევე, გაიმართება შეხვედრები და დისკუსიები სხვადასხვა გარემოსდაცვით საკითხებთან დაკავშირებით.
3 ოქტომბერს, „გარემოს დაცვისადმი მიძღვნილი დღეები საქართველოში“ ფარგლებში, ჩატარდება მასშტაბური დასუფთავების აქციები.
დაგეგმილ შეხვედრას მედიის წარმომადგენლებთან დაესწრებიან „დავასუფთაოთ საქართველო“ კამპანიის განმახორციელებელი არასამთავრობო ორგანიზაციათა კონსორციუმის წარმომადგენლები.
საქართველოში კამპანია `დავასუფთაოთ მსოფლიო - დავასუფთაოთ საქართველო~ ტარდება პროექტის - ,,დავასუფთაოთ საქართველო -საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ ფარგლებში, რომელსაც ახორციელებს გარემოსა და ბუნებრივი რესურსების დაცვის სამინისტრო, არასამთავრობო ორგანიზაციათა კონსორციუმი – ,,საქართველოს მწვანეთა მოძრაობა დედამიწის მეგობრები/საქართველო, საქართველოს ბუნების მკვლევართა კავშირი „ორქისი“ და „ეკოლოგიური ცნობიერების ამაღლება და ნარჩენების მართვა“, შვედეთის მთავრობის ფინანსური მხარდაჭერითა და მყარი ნარჩენების მართვის კომპანიასთან თანამშრომლობით.