ლაგოდეხის რაიონის სოფელ კაბალში ასლანოვების საცხოვრებელ სახლს სეტყვის საწინააღმდეგო ჭურვი დაეცა. სპეციალური რადარიდან გასროლა კომპანია "დელტამ" განახორციელა. ინციდენტის შედეგად არავინ დაშავებულა, თუმცა სახლის სახურავი და კედელი დაზიანდა. გაჩენილი ხანძრის შედეგად რამდენიმე საყოფაცხოვრებო ნივთიც დაიწვა. ექსპერტ- კრიმინალისტებმა ჭურვი ექსპერტიზაზე უკვე გადაიტანეს. მომხდარ ფაქტზე სისხლის სამართლის საქმე ნივთის გაუფრთხილებლობით დაზიანების მუხლით აღიძრა.
