17 სექტემბერს, 19:30 საათზე, „არტარეას“ ეზოში (მის: დოდო აბაშიძის 10 ) თიბისი ბანკის პროექტის #წერექართულად პრეზენტაცია გაიმართება.
საზოგადოებას პროექტის შესახებ ინფორმაციას თიბისი ბანკის დამფუძნებელი მამუკა ხაზარაძე, ასევე პროექტის პარტნიორები, დიზაინერი ზვიად ციკოლია, კომპანია Leavingstone-ის დამფუძნებელი გიორგი ბურჭულაძე და ეროვნული ბიბლიოთეკის წარმომადგენელი მირიან ხოსიტაშვილი გააცნობენ.
პრეზენტაციის პარალელურად, არტარეას გალერეაში ხელნაწერთა ეროვნულ ცენტრის კალიგრაფების მიერ შექმნილი ხელნაწერების გამოფენაც გაიმართება. წარმოდგენილი იქნება ასევე ნიკა მაჩაიძის ვიდეოარტი თემაზე #წერექართულად.