ამერიკელმა მეცნიერებმა ნაადრევი სიკვდილის მთავარი მიზეზი დაასახელეს. Health Metrics and Evaluation-ის ინსტიტუტის მეცნიერები 23 წლის განმავლობაში (1990-2013 წწ) 108 ქვეყანაში აწარმოებდნენ კვლევებს. მეცნიერები მივიდნენ გასაოცარ დასკვნამდე - ნაადრევი სიკვდილის მთავარი მიზეზი - არაჯანსაღი კვებაა.
ექსპერტების აზრით, ისინი ვინც მცირე რაოდენობით მიირთმევენ ხილს, ბოსტნეულს, თხილს, მარცვლეულს და პირიქით - უპირატესობას ანიჭებს ხორცს, მარილიან საკვებს, გაზიან წყლებს რისკავენ სიბერემდე ვერ მიაღწიონ.
მეცნიერები მიიჩნევენ, რომ არაჯანსაღი კვება ორგანიზმს გაცილებით მნიშვნელოვან ზიანს აყენებს ვიდრე ალკოჰოლი და თამბაქო. ”არასწორი”კვების პროდუქტების რეგულარული მოხმარების გამო ორგანიზმი არასტაბილურად მუშაობს, ადამიანი ხშირად ავადმყოფობს, იგი ბევრად უფრო ადვილად ექვემდებარება ინსულტს, დიაბეტს გულ-სისხლძარღვთა და სხვა ქრონიკულ დაავადებებს.