გაეროს ექსპერტებმა ჩაატარეს კვლევები, რომლის შედეგებით შეადგინა იმ ქვეყნების რეიტინგი, სადაც 60 და მეტი ასაკის ხანდაზმული ადამიანებისათვის ცხოვრების დონე საუკეთესოა.
პირველი ადგილი დაიკავა შვეიცარიამ, შემდეგ მოდიან ნორვეგია, შვედეთი, გერმანია, კანადა. პირველ ათეულში მოხვდნენ ასევე ნიდერლანდები, ისლანდია, იაპონია, აშშ და დიდი ბრიტანეთი.
პირველ ოცეულშია დანია, ახალი ზელანდია, ავსტრია, ფინეთი, ირლანდია, საფრანგეთი, ავსტრალია, ისრაელი, ლუქსემბურგი და პანამა.
ყოფილი სსრკ-ს ქვეყნებიდან საუკეთესო პოზიცია რეიტინგში აქვს ესტონეთს (25), შემდეგ საქართველოს (29) და ლატვიას (35). სომხეთი 43-ე ადგილზეა, ყირგიზეთი 51-ე, ტაჯიკეთი 58-ე, ლიტვა 63-ე, ბელორუსია-64-ე, რუსეთი 65-ე, უკრაინა 73-ე, მოლდავეთი 77-ე.
ექსპერტებმა შეისწავლეს მსოფლიო ბანკის, ჯანდაცვის მსოფლიო ორგანიზაციის, შრომის საერთაშორისო ორგანიზაციის, ასევე UNESCO-ს სტატისტიკა. ინდექსი ითვალისწინებს მსოფლიოში მცხოვრებ ხანდაზმულ ადამიანთა რიცხვიდან დაახლოებით 90%-ის ცხოვრების პირობებს. თუმცა აღსანიშნავია, რომ არ იყო გათვალისწინებული აფრიკის ძალიან ბევრი და აზიის ზოგიერთი ქვეყანა.
რეიტინგის შედგენისას მხედველობაში იქნა მიღებული 13 პარამეტრი, მათ შორის სამედიცინო დაწესებულებაში მიმართვის სიხშირე, საცხოვრებელი პირობები, განათლება, დასაქმებულთა რაოდენობა და სოციალური აქტივობა.
