იაპონიაში, იმ ადამიანთა რიცხვმა, რომელთაც 100 წელი და მეტი შეუსრულდათ 60 ათასს გადააჭარბა, - ეროვნული ჯანდაცვის სამინისტროს მონაცემებზე დაყრდნობით JapanToday იტყობინება.
ექსპერტების მიერ გაკეთებული პროგნოზების თანახმად, 15 სექტემბრისათვის ( ამ დღეს იაპონიაში ისევე როგორც მთელ მსოფლიოში აღინიშნება ხანდაზმულ ადამიანთა დღე) ქვეყანაში ასწლიანი მოხუცების რაოდენობა 61 568 ადამიანს შეადგენს.
2015 წელს 100 წლიან ზღვარს 30 379 იაპონელმა გადააბიჯა.
როგორც JapanToday წერს, იაპონიაში მცხოვრებ დღეგრძელთა 87 % ქალია. მსოფლიოში ყველაზე ხანდაზმული ადამიანი -112 წლის იასუტარო კოიდე სწორედ იაპონიაში ცხოვრობს.
იაპონელ მამაკაცთა სიცოცხლის საშუალო ხანგრძლივობა 80 წელს, ხოლო ქალების 86,8 წელს შეადგენს.