საკრებულოში, თამარაშვილის ქუჩაზე დაგეგმილი მშენებარე პროექტების განხილვა ჩხუბში გადაიზარდა. თბილისის საკრებულოს ოპოზიცია თამარაშვილიზე კორპუსების მშენებლობას ეწინააღმდეგება და გეგმის დახვეწას ითხოვს. მშენებლობის წინააღმდეგია ასევე, თამარაშვილის ქუჩის მცხოვრებთა ნაწილიც.
ურბანული განვითარების კომისიის სხდომაზე „არქი ჯგუფის« დირექტორმა ილია წულაიამ თამარაშვილის ქუჩის ერთ-ერთ მცხოვრებს სიტყვიერი შეურაცხყოფა მიაყენა, რასაც შეხლა-შემოხლა მოჰყვა.
საუბარია დაახლოებით 70 აშშ მილიონი დოლარის ღირებულების ექვს სხვადასხვა პროექტზე, რომლის მიხედვითაც, თამარაშვილის ქუჩაზე უნდა აშენდეს მრავალსართულიანი საცხოვრებელი კორპუსები.
დეველოპერული კომპანიის წარმომადგენლები ამბობენ, რომ პროცედურების გადადება ინვესტიციების შეჩერებას იწვევს.
