ვეტერანების საქმეთა სახელმწიფო სამსახური თბილისის მერიასთან ერთად, ქალაქის ათ გამგეობაში, საკუთარ წარმომადგენლებით დაკომპლექტებულ სამსახურებს ქმნის,- ამის შესახებ ,,ჯი-ეიჩ-ენს” ვეტერანების საქმეთა დეპარტამენტიდან აცნობეს.
უწყების განმარტებით, თბილისში ვეტერანებს სოციალურ-ეკონომიკური და საყოფაცხოვრებო საკითხების გადაწყვეტა ამიერიდან საკუთარი რაიონების გამგეობებში შეეძლებათ, თბილისში სულ 19557 ვეტერანი ცხოვრობს. ვეტერანების საქმეთა სახელმწიფო სამსახური ადგილობრივ თვითმმართველობებთან კოორდინირებულად იმუშავებს და თბილისში მცხოვრებ თითოეულ ვეტერანს ყველა საკითხის გადაწყვეტაში უფრო ოპერატიულად დაეხმარება.
დღეს თბილისის მერის მოადგილე გიორგი სოლომონია ,ვაკის რაიონის გამგებლის მოვალეობის შემსრულებელი ზვიად ჭიალაია და ვეტერანების საქმეთა სახელმწიფო სამსახურის დირექტორი ადგილზე გაეცნენ ვაკის რაიონის გამგეობაში ვეტერანების საკითხებზე მომუშავე განყოფილების აქტივობებსა და სამომავლო სტრატეგიას.