ქობულეთი სუბ-რეგიონულ კონფერენციას მასპინძლობს. პროფკავშირების ქალთა ქსელის ორგანიზებით, არაფორმალურ სექტორში დასაქმებული ქალების უფლებრივ მდგომარეობასა და კანონმდებლობაში შესატან ცვლილებებზე, საერთაშორისო ორგანიზაციების, სამთავრობო და არასამთავრობო სექტორის წარმომადგენლები მსჯელობენ.
განსახილველ საკითხთა შორისაა, შრომის საერთაშორისო ორგანიზაციის რეკონმედაციები არაფორმალურ ეკონომიკასთან დაკავშირებით. შეხვედრაზე იმსჯელებენ გენდერულ თანასწორობაზე და ქალთა ჩართულობის გაზრდაზე ქვეყნის პოლიტიკასა და სოციალურ საკითხებში. ერთ ერთი განსახილველი თემაა დემოგრაფიული მდგომარეობა საქართველოში და დედობის დაცვის ხარისხი სამუშაო ადგილებზე. შეხვედრაში ანგარიშებს წარმოადგენენ შრომის საერთაშორისო ორგანიზციის, პან-ევროპული საბჭოს, საერთაშორისო პროფესიული კავშირების კონფედერაციის და საქართველოს პროფკავშირების გაერთიანების ექსპერტები და იურისტები.
კონფერენცია დღეს ქ.ქობულეთში, სასტუმრო "სოლიდარობაში" გაიხსნა და 17 სექტემბრამდე გაგრძელდება.