საპარლამენტო უმცირესობის ლიდერი დავით ბაქრაძე მთავრობის სხდომაზე პრემიერ ირაკლი ღარიბაშვილის მიერ გაკეთებულ განცხადებას ეხმიანება და მას არაადეკვატურს უწოდებს. როგორც ბაქრაძემ ,,ნაცმოძრაობის” ცენტრალურ ოფისში გამართულ პრესკონფერენციაზე აღნიშნა, პრემიერი იმის ნაცვლად, რომ აგვარებდეს ხალხის პრობლემებს, მაჟორიტარი დეპუტატების დაკავების განკარგულებას იძლევა.
,,პრემიერი ნაცვლად იმისა, რომ იზრუნოს გლეხების პრობლემის მოგვარებაზე და იზრუნოს გაჭირვებული ხალხის დახმარებას პოლიციას ავალებს გურჯაანის მაჟორიტარი დეპუტატის დაკავებას. მინდა ცალსახად განვაცხადო, რომ გურჯანის დეპუტატი შეასრულებს თავის მოვალეობას და იდგება კახელი გლეხების გვერდით განსხვავებით ,,ქართული ოცნების” მინისტრებისგან, განსხვავებით ,,ქართული ოცნების” დეპუტატებისგან და გუბერნატორებისგან, რომელთაც არჩევის შემდეგ თვეობით არ ჩაუკითხებიათ სოფლებში საკუთარი ამომრჩევლისთვის და საერთოდ არ აღელვებთ ის პრობლემები რომელიც ხალხს საქართველოში აქვთ. განსხვავებით მათგან გიორგი ღვინიაშვილი და თითოეული ჩვენგანი ვიდგებით ხალხის გვერდით ყოველთვის და ყველგან. Mმე მინდა ხაზი გავუსვა, რომ ეს არ არის პოლიტიზირების თემა,”, _განაცხადა ბაქრაძემ.
მან მთავრობას მოუწოდა თავი დაანებოს ოპონენტების დევნას და მიხედოს ხალხის პრობლემებს.
ბაქრაძე პრემიერის განცხადებაზე პარლამენტის თავმჯდომარე დავით უსუფაშვილისგან სათანადო შეფასებასა და რეაქციას ელოდება
,,დღევნდელ განცახდებაზე, როცა პრემიერ-მინისტრი მაჟორიტარ დეპუტატს ემუქრება დაპატიმრებით იმისთვისთვის, რომ მაჟორიტარი ხალხის მიერ ორგნიზებულ აქციაში მონაწილეობს, ველოდები პარლამენტის თავმჯდომარის რეაქციას და იმედი მაქვს სათანადო შეფასება მოყვება ამ ფაქტს”, _აღნიშნა ბაქრაძემ.
საქართველოს პრემიერ-მინისტრი ირაკლი ღარიბაშვილი საპარლამენტო უმცირესობას და მათ შორის გიორგი ღვინიაშვილს პროვოკაციაში ადანაშაულებს. როგორც მთავრობის სხდომაზე პრემიერმა აღნიშნა, საპარლამენტო უმცირესობის წევრები კახელ გლეხებს საკუთარი ინტერესებისთვის იყენებენ.
პრემიერმა შს მინისტრს გიორგი მღებრიშვილს დაავალა ყურძნის ჩაბარების ადგილებში მაქსიმალურუად გააკონტროლონ ვითარება.
,,მე ვიცი, რომ ერთ-ერთი დეპუტატი, გვარად ღვინიაშვილი, რომელიც წლების განმავლობაში იყო კახეთის გუბერნატორი და, რომელიც პირდაპირ მიუთითებდა ღვინის კომპანიებს, რომ არ ჩაებარებინათ ყურძენი მაღალ ფასად.. რა სუბსიდირებაზე იყო ლაპარაკი.. იმის გამო, რომ ერთგულება დაუმტკიცოს გუბერნატორს, თუმცა არა კახეთის, არამედ, ოდესის, ჩადის რეგიონში და აქტიურობს. მინდა მივმართო სამართალდამცავ ორგანოებს, ბატონ მღებრიშვილს, გთხოვთ მაქსიმალურუად გააკონტროლოთ ადგილზე სიტუაცია, რომ მოსახლეობას არ შეექმნას ჩაბარებაში რაიმე პრობლემა. ეს პროვოკატორები მოვაშოროთ ადგილებიდან. თუ ვინმე პროვოკატორი შეეცდება სიტუაციის დაძაბვას, თქვენ იმოქმედებთ, რა თქმა უნდა, კანონის ფარგლებში”, _აღნიშნა ღარიბაშვილმა.