საზოგადოებრვი ორგანიზაცია ,,მოქალაქე” ყოფილი პრემიერის ბიძინა ივანიშვილის შვილის, უტა ივანიშვილის პოლიტიკაში ჩართვას გამორიცხავს როგორც ამ ეტაპზე, ისე - სამომავლოდ.
,,ბოლო დღეებში რამდენიმე საინფორმაციო საშუალებამ გაავრცელა დეზინფორმაცია უტა ივანიშვილის პოლიტიკაში შესაძლო ჩართვის შესახებ, რაც მიზნად ისახავს საზოგადოების შეცდომაში შეყვანას.საზოგადოება „მოქალაქე“ აცხადებს, რომ მსგავსი ინფორმაციის გავრცელებას არანაირი საფუძველი არ გააჩნია - უტა ივანიშვილი პოლიტიკაში ჩართვას გამორიცხავს როგორც ამ ეტაპზე, ისე - სამომავლოდ”, _ნათქვამია ,,მოქალაქის” განცხადებაში.
გავრცელებული ინფორმაციით, საპარლამენტო არჩევნებში კოალიცია „ქართული ოცნების“ პირველ ნომრად შესაძლოა, ყოფილი პრემიერ-მინისტრის ბიძინა ივანიშვილის უფროსი ვაჟი უტა ივანიშვილი დასახელდეს.