შერიგებისა და სამოქალაქო თანასწორობის საკითხებში სახელმწიფო მინისტრმა მარნეულის მუნიციპალიტეტის სკოლების მოსწავლეებს ახალი სასწავლო წლის დაწყება მიულოცა. პაატა ზაქარეიშვილი მარნეულის მე-2 რუსულენოვან საჯარო სკოლაში, სოფელ საბირქენდის აზერბაიჯანულენოვან და სოფელ წითელსოფლის სომხურენოვან სკოლებს ეწვია.
მან სწავლის დაწყება მასწავლებლებს და მოსწავლეებს მიულოცა და წარმატებები უსურვა. სახელმწიფო მინისტრმა ეთნიკური მრავალფეროვნებისა და ეთნიკური უმცირესობების წარმომადგენელთა სრულფასოვანი ინტეგრაციის მნიშვნელობაზე გაამახვილა ყურადღება.
„ეს დღე მნიშვნელოვანია სახელწმიფოსთვის, რადგან სახელმწიფო სკოლაზეა დაფუძნებული. წარმატებული სკოლა წარმატებული და ღირსეული სახელმწიფოა და და მე თითოეულ თქვენგანს, წარმატებას ვუსურვებ. მარნეულის რაიონში ჩვენი მრავალფეროვნება და მრავალეთნიურობა მშვენივრადაა წარმოდგენილი და ეს რაიონი სახეა იმისა, თუ როგორ გადაიზრდება ეს მრავალფეროვნება მოქალაქეობაში“, - განაცხადა პაატა ზაქარეიშვილმა.
მან მარნეულის მე-2 სკოლაში სერტიფიცირებულ მასწავლებლებს სიგელები გადასცა. სახელმწიფო მინისტრმა, ასევე,საბირქენდისა და წითელსოფლის სკოლების პირველკლასელებს განათლებისა და მეცნიერების სამინისტროს მიერ გამოყოფილი კომპიუტერები დაურიგა. მოსწავლეებმა ახალი სასწავლო წლის დაწყება წარმოდგენებით, ცეკვით, სიმღერითა და ლექსებით აღნიშნეს.