"წლევანდელი წელი ჩვენთვის იქნება პედაგოგების წელი, რადგან ის ძირეული საკითხები, რომელიც ჯერ კიდევ გადასაჭრელია, უნდა გადავჭრათ”, _განაცხადა განათლებისა და მეცნიერების მინისტრმა თამარ სანიკიძემ, რომელიც პრემიერთან ერთად მცხეთის რაიონის სოფელ წილკანის სკოლაში იმყოფებოდა.
თამარ სანიკიძემ დღესვე განათლების სისტემის პრიორიტეტებზე საუბრისას პედაგოგთა ხელშეწყობაზე გაამახვილა ყურადღება, მათ შორის, ხაზი გაუსვა მათთვის ხელფასების მატების საკითხს.
,,პედაგოგს დაჭირდება სახელმწიფოს მხრიდან რეალური ხელშეწყობა, პროფესიას დაფასება, სახელფასო მატება. ამიტომ, ყველაფერი რაც გავაკეთეთ და 2 წლის განმავლობაში რაც ვიმუშავეთ, მასწავლებლის ახალ სისტემაზე, ახალ სქემაზე, ჩვენ წელს ერთიანად დავიწყებთ დანერგვას,“ - განმარტა თამარ სანიკიძემ.
