დედაქალაქის საკრებულოს თავმჯდომარე გიორგი ალიბეგაშვილი 64-ე საჯარო სკოლას ეწვია და სასწავლი წლის დაწყება სკოლის მოსწავლეებსა და მასწავლებლებს პირადად მიულოცა.
,,ახალი სწავლო წლის დასაწყისი თითოეული ჩვენთაგანისთვის მუდმივად არის წლის მნიშვნელოვანი მოვლენა, ამიტომაც ამ დღისადმი განსაკუთრებული დამოკიდებულება გვაქვს.
ყველა მოსწავლესა და მასწავლებელს, განსაკუთრებით კი პირველკლასელებს გილოცავთ ამ დღეს და იმედს გამოვთქვამ, რომ საჯარო სკოლებში მიღებული ზოგადი განათლება თითოეული თქვენთაგანისთვის ნაყოფიერი აღმოჩნდება’’,-განაცხადა საკრებულოს თავმჯდომარემ.
გიორგი ალიბეგაშვილმა დღესვე სკოლის შენობა დაათვალიერა და აღნიშნა, რომ წელს სკოლაში მოსწავლეებს ბევრად კეთილმოწყობილი და კომფორტული გარემო დახვდებათ, რაც განხორციელებული ინფრასტრუქტურული პროექტებისა და შიდა სამუშაოების მასშტაბურობით გახდა შესაძლებელი.
64-ე საჯარო სკოლა სამსექტორიანია და სწავლება აქ ქართულ, რუსულ და აზერბაიჯანულ ენებზე მიმდინარეობს.
ამასთან, მეორე წელია, რაც სკოლაში სპეციალური პროექტი მოქმედებს, რომლის ფარგლებშიც, სმენადაქვეითებული ბავშვებისათვის იტეგრირებული კლასია შექმნილი.