გურჯაანელი მევენახეები ხელისუფლების გადაწყვეტილებას 14 სექტემბრის 12:00 საათამდე დაელოდებიან - ასეთი გადაწყვეტილება მიიღეს გურჯაანში საპროტესტო აქციის მინაწილე მევენახეებმა.
მათი განცხადებით, დაელოდებიან პარლამენტის დარგობრივი ეკონომიკისა და აგრარულ საკითხთა კომიტეტების გადაწყვეტილებას ყურძნის ჩაბარების ფასთან დაკავშირებით.
აქციის მონაწილეებს 12 სექტემბერს ღვინის ეროვნული სააგენტოს ხელმძღვანელი გიორგი სამანიშვილი შეხვდა, მისი ინფორმაციით, ამ დროისათვის 19 გადამამუშავებელი ქარხანა მუშაობს, საიდანაც 4 სახელმწიფოა. მისივე თქმით, კოტეხის ღვინის ქარხანა რქაწითელს 70 თეთრად იბარებს და სახელმწიფოს მიერ დადგენილი ფასები არ გადაიხედება. აღნიშნულ განცხადებას გლეხების პროტესტი მოჰყვა. ისინი აცხადებენ, რომ ყურძნის ფასი 1 ლარი მაინც უნდა გახდეს.
