კოლუმბიის ჩრდილო დასავლეთში ჩამოვარდა მცირე ძრავიანი თვითმფრინავი, რის შედეგადაც 2 ადამიანი დაიღუპა.
თვითმფრინავს იყენებდა ფილმის გადამღები ჯგუფი, რომელშიც მსახიობი ტომ კრუზი მონაწილეობს. მსახიობი ფილმში ყოფილი პილოტის როლს ასრულებს, თუმცა კატასტროფის დროს ის თვითმფრინავში არ იმყოფებოდა.
წინასწარი ინფორმაციით, თვითმფრინავში 2 ამერიკელი მფრინავი და ერთი კოლუმბიელი იყვნენ. კოლუმბიის სამოქალაქო ავიაციის ინფორმაციით, ამერიკელი პილოტი ჯიმი ლიგერალდი საავადმყოფოშია გადაყვანილი. თვითმფრინავის კატასტროფის მიზეზად ამინდი სახელდება.
