აფხაზური ენის მოვლა-პატრონობა ასევე მნიშვნელოვანია, როგორც ქართულის,- ამის შესახებ პარლამენტის თავმჯდომარემ დავით უსუფაშვილმა პარლამენტში მიმდინარე კონფერენციის - „ენა და თანამედროვე ტექნოლოგიების“ შემდეგ, ჟურნალისტებთან განაცხადა.
მისი თქმით, არ უნდა დაგვავიწყდეს, კონსტიტუციის მიხედვით, სახელმწიფო ენად, ქართულის გარდა, აფხაზეთის ტერიტორიაზე აფხაზური ენაცაა აღიარებული.
,,საზოგადოებას არ უნდა დაავიწყდეს, რომ კონსტიტუციის მიხედვით, ქართული ენის გარდა, აფხაზეთის ტერიტორიაზე სახელმწიფო ენად აღიარებულია აფხაზური ენა, ამიტომ აფხაზური ენის მოვლა-პატრონობა მნიშვნელოვანია და ამ მიმართულებითაც ბევრი რამე გაკეთდება” - აღნიშნა უსუფაშვილმა.
საქართველოს პარლამენტი კონფერენციას – "ენა და თანამედროვე ტექნოლოგიები" მასპინძლობს. ღონისძიებაში ქართველი და უცხოელი ენათმეცნიერები იღებენ მონაწილეობას.
კონფერენცია-სემინარი 15 სექტემბრამდე გაგრძელდება.
