ბათუმში, 9 სექტემბერს, დაახლოებით 24:00 საათისთვის, ორი ახალგაზრდა მამაკაცი მოკლეს. "ბათუმელების" ინფორმაციით, მკლლეობა თამარის დასახლებაში მოხდა.
გამოცემა იუწყება, რომ კიდევ ერთი ახალგაზრდა, რომელიც დანით ზურგის არეშია დაჭრილი საავადმყოფოშია გადაყვანილი და მის სიცოცხლეს, საფრთხე არ ემუქრება.
მკვლელობა ურთიერთშელაპარაკების ნიადაგზე მოხდა. ერთი ახალგაზრდა დანით, მეორე კი, ცეცხლსასროლი იარაღით მიყენებული ჭრილობებით გარდაიცვალა.
"ბათუმელების" ინფორმაციით, ერთ-ერთი დაჭრილი საავადმყოფოში იქვე მყოფმა მოქალაქეებმა გადაიყვანეს, მეორე, რომელსაც გულის არეში ტყვია ჰქონდა მოხვედრილი, სასწრაფო სამედიცინო ბრიგადის თანამშრომლებმა, რომლებიც სხვა გამოძახებაზე მიდიოდნენ, პაციენტს პირველადი დახმარებაც გაუწიეს და საავადმყოფოში მიიყვანეს, თუმცა მისი გადარჩენა ექიმებმა ვერ შეძლეს.
