თბილისში ელექტროენერგიის ახალი სამომხმარებლო ტარიფი ძალაში შევიდა. გაზრდილი ფასების შესახებ სემეკ-ის დადგენილება "საკანონმდებლო მაცნეში" უკვე გამოქვეყნდა.
სემეკ-ის დადგენილების თანახმად, დღგ-ს ჩათვლით, 101 კვტსთ-ის ჩათვლით დენის ფასი 9.480 თეთრი/კვტსთ ნაცვლად, იქნება 12.980 თ/კვტსთ; 101 კვტსთ-დან 301 კვტსთ-ის ჩათვლით, 12.461 თეთრი/კვტსთ ნაცვლად, ფასი იქნება 16.992 თ/კვტსთ; 301 კვტსთ-დან და მეტი - 17.698 თეთრი/კვტსთ ნაცვლად, 21.476 თ/კვტსთ.
აქედან გამომდინარე, პირველ საფეხურზე მატება არის 3.5 თეთრი, მეორე მეორე საფეხურზე - 4.53 თეთრი, მესამე საფეხურზე - 3.79 თეთრი.
სემეკ-მა დენის გაძვირების გადაწყვეტილება 3 სექტემბერს მიიღო, დადგენილება კი, 5 სექტემბერს გამოქვეყნდა.
სემეკის თავმჯდომარის ირინა მილორავას განმარტებით, დედაქალაქისთვის დენის ახალი ტარიფი დადგენილების გამოქვეყნებისთანავე შედის ძალაში.
