თბილისის მუნიციპალიტეტის საკრებულოს დიდუბის რაიონის მაჟორიტარი დეპუტატი ვლადიმერ ძნელაძე მარჯანიშვილის N-16- ში მდებარე კორპუსში მიმდინარე სამშენებლო სამუშაოებს ადგილზე გაეცნო.
აღნიშნული კორპუსის მშენებლობა 27 წლის წინ დაიწყო და ქვეყანაში არსებული რთული ეკონომიკური მდგომარეობის გამო ვერ დასრულდა.
როგორც ადგილობრივი მოსახლეობა აცხადებს, მათ წლების განმავლობაში არ ქონდათ დენი, ბუნებრივი აირი და წყალი.
,,მას შემდეგ, რაც ვლადიმერ ძნელაძე ჩვენი რაიონის მაჟრიტარი გახდა კორპუსის დასრულების იმედი გაჩნდა. 2015 წლის ბიუჯეტში სწორედ მისი შუამდგომლობით ჩაიდო საჭირო თანხა და დღეისათვის სამშენებლო სამუშაოები აქტიურად მიმდინარეობს’’,-აღნიშნა კორპუსის ერთერთმა მაცხოვრებელმა.
ლადო ძნელაძის ინფორმაციით, აღნიშნული კორპუსის მშენებლობა მიმდინარე წლის ბოლოს დასრულდება და შესაბამისად, მოხდება კომუნიკაციის შეყვანაც.
მარჯანიშვილის N-16- ში ამჟამად 72 ოჯახი ცხოვრობს.