თბილისის მუნიციპალიტეტის საკრებულოს ჩუღურეთის რაიონის მაჟორიტარმა დეპუტატმა - რიმა ბერაძემ, სამაჟორიტარო რაიონში მიმდინარე სამუშაოები დაათვალიერა და მონიტორინგი ჩაატარა.
დეპუტატმა ჩუბინაშვილის ქუჩა N 31-სა და N33-ში, სპარტაკის ქუჩა N12-ში და ბუხაიძის ქუჩა N36-ში, მდებარე ავარიული სახლების გამაგრებითი სამუშაოები მოინახულა. მოსახლეობის თქმით, ისინი 12 წელი დაჟინებით ითხოვდნენ ავარიული სახლების გამაგრებას. დღევანდელი ადგილობრივი მთავრობის დახმრებით მათ სასურველ შედეგს მიაღწიეს.
რიმა ბერაძის განცხადებით, მომავალი წლის ბიუჯეტში მაქსიმალურად მობილიზებული იქნება თანხები ჩუღურეთის რაიონში ინფრასტრუქტურის მოწესრიგებისა და გაუმჯობესებისათვის.
მაჟორიტარმა ასევე ჩუბინაშვილის ქუჩა N37-ში მდებარე ეზოს რეაბილიტაციის პროცესი დაათვალიერა, სადაც უახლოეს ხანში დასრულდება სარეაბილიტაციო სამუშაოები.
დღესვე, დეპუტატმა გედევანიშვილის ქუჩა N 27-ში ხანძრის შედეგად დაზარალებულთა ოჯახები მოინახულა, რომელთა დასახმარებლად გამოყოფილია ფულადი კომპენსაცია.
