თბილისში, ელექტროენერგიის გაზრდილი ტარიფის სუფსიდირება, მხოლოდ იმ სოციალურად დაუცველებს შეეხებათ, რომელთაც 70 ათას ქულაზე ნაკლები აქვთ მინიჭებულ. ამის შესახებ, ჟურნალისტებთან ჯანდაცვის მინისტრის მოადგილემ ზაზა სოფრომაძემ განაცხადა.
"რეგიონებში ელექტროენერგიის ტარიფის სუბსიდირება უკვე მოხდა, რაც შეეხება თბილისს, ახლა მუშავდება სიები და თბილისში 70 ათას ქულაზე ნაკლების მქონე მოქალაქეებს სუბსიდირება შეეხება. ამის უზრუნველყოფა თბილისის მერიის მიერ მოხდება. დაახლოებით, 40 ათასამდე მოქალაქეზეა საუბარი,"-განაცხადა ზაზა სოფრომაძემ.
შეგახსენებთ, რომ შეგახსენებთ, რომ საქართველოს ენერგეტიკისა და წყალმომარაგების მარეგულირებელი ეროვნული კომისიის დღევანდელი გადაწყვეტილებით, ელექტროენერგიის შესყიდვის საუშალო შეწონილი ფასი , რომელიც იყო 5.480 თ/კვტსთ და ამჟამად 11.173 თ/კვტსთ გახდა. შესაბამისად მოიმატა დედაქალაქში სამომხმარებლო ტარიფმა.
სემეკ-ის გადაწყვეტილებით, დღგ-ს გარეშე, 101 კვტსთ-ის ჩათვლით - დენის ფასი 8.034 თეთრი/კვტსთ ნაცვლად, იქნება 11.000 თ/კვტსთ; 101 კვტსთ-დან 301 კვტსთ-ის ჩათვლით, 10.56 თეთრი/კვტსთ ნაცვლად, ფასი იქნება 14.400 თ/კვტსთ; 301 კვტსთ-დან და მეტი - 14.998 თეთრი/კვტსთ ნაცვლად, 18.200 თ/კვტსთ.
ახალი ტარიფის დადგენის მიზნით, "თელასმა" კომისიას მიმდინარე წლის 23 ივლისს მიმართა. კომპანიამ სატარიფო განაცხადის წარდგენის მთავარ საფუძვლად აშშ დოლართან მიმართებაში ეროვნული ვალუტის გაცვლითი კურსის არსებითი ცვლილება, შესასყიდი ელექტროენერგიის გაზრდილი ფასი და ელექტროენერგიის გადაცემის ტარიფის ზრდა დაასახელა.
მერია კი სოციალურად დაუცველებისთვის ელექტროენერგიის გაზრდილი გადასახადის სუბსიდირებას გეგმავს.
