საზოგადოებრივი მაუწყებლის დირექტორის მრჩევლის, ბასა ჯანიკაშვილის განცხადებით, ეკა მიშველაძის თოქ-შოუს დახურვა მის გათხოვებას უკავშირდება, - ამის შესახებ მან დღეს სასტუმრო "ჰოლიდეი ინნ"-ში, მედიის წარმომადგენლების შეხვედრაზე განაცხადა.
ეკა მიშველაძის კითხვაზე - თუ რატომ დაიხურა მისი გადაცემა, ბასა ჯანიშვილმა აღნიშნა, რომ მაუწყებლის კოდექსის თანახმად, ჟურნალისტმა, რომელიც პოლიტიკური ლიდერის მეუღლეა, უხერხულია წაიყვანოს პოლიტიკური გადაცემა.
ეკა მიშველაძემ კი აღნიშნა, რომ მაუწყებლის კოდექსს ის კარგად იცნობს და მსგავსი რამ იქ არ წერია. რის შემდეგაც ჯანიკაშვილმა შეხვედრაზე წაიკითხა ამონარიდი მაუწყებლის კოდექსიდან, კერძოდ: "საზოგადოებრივი მაუწყებლის თანამშრომელი არ აუნდა აშუქებდეს მისი ოჯახის წევრებსა და ახლო ნათესავებს".
შეგახსენებთ, რამდენიმე დღის წინ ჟურნალისტი ეკა მიშველაძე "თავისუფალი დემოკრატების" ერთ-ერთ ლიდერს ალექსი პატრიაშვილს გაყვა ცოლად.