დედაქალაქის მერის დავით ნარმანიას განცხადებით, იქამდე, სანამ თბილისის ზღვის ტერიტორიაზე ახალი ზოოპარკი გაიხსნება, ძველი ზოოპარკი ჩვეულ რეჟიმში იმუშავებს. როგორც ნარმანიამ მთავრობის სხდომის შემდეგ განაცხადა, ზოოპარკი მუშაობას უახლოეს ათ დღეში დაიწყებს.
,,ვიდრე ახალი ზოოპარკი გაიხსნება, უახლოეს ათ დღეში ვგეგმავთ ძველი ზოოპარკის გახსნას, სადაც სტიქიას გადარჩენილი ცხოველები და ფრინველები არიან მოთავსებული”, _აღნიშნა მერმა.
შეგახსენებთ, რომ 13 ივნისს, თბილისში მომხდარი სტიქიის შედეგად, ზოოპარკიის ინფრასტრუქტურის დიდი ნაწილი განადგურდა, დაიღუპა ცხოველების დიდი ნაწილიც. შედეგად, ამ დრომდე არ ფუნქციონირებს თბილისის ზოოპარკი.