მთავრობამ თბილისის ზღვის ტერიტორიაზე ზოოპარკის მშენებლობის შესხებ გადაწვეტილება მიიღო. ამის შესახებ დედაქალაქის მერმა დავით ნარმანიამ მთავრობის სხდომის შემდეგ, ჟურნალისტებთან განაცხადა.
მისივე თქმით, შესაბამის ტენდერს მერია უახლოეს დღეებში გამოცხადებს.
,,საქართველოს მთავრობისგან მივიღეთ თანხმობა ძალიან მნიშვნელოვან საკითხზე, რომელიც თბილისის ზღვის მიმდებარე ტერიტორიაზე ახალი ზოოპარკის მშენებლობის დაწყებას შეეხება. კერძოდ, პირველი ეტაპი ზოოპარკის ტერიტორიის შემოღობვას ითვალისწინებს, რისთვისაც 5-დღიანი ვადით გამარტივებული ელექტრონული ტენდერი გამოცხადდება და, რომელშიც დაინტერესებულ კომპანიებს შეეძლებათ მონაწილეობა. მე მოვუწოდებ განსაკუთრებით ძლიერ და გამოცდილ კომპანიებს, ჩაერთონ ამ ტენდერში", - განაცხადა ნარმანიამ.